17-ci Azərbaycan Beynəlxalq Turizm və Səyahətlər Sərgisi

5 - 7 aprel 2018 • Bakı Ekspo Mərkəzi

Sərgi » Sərgi haqqında

“AITF 2017”: Azərbaycanda turizmin yeni inkişaf mərhələsi

Aprelin 6-da Bakı Ekspo Mərkəzində 16-cı Azərbaycan Beynəlxalq Turizm və Səyahətlər “AITF 2017” sərgisi öz işinə başladı. “AITF” sərgisi ilə birlikdə 11-ci Qafqaz Beynəlxalq “Otel, restoran və super-marketlər üçün avadanlıq və ləvazimatlar” “Horex Caucasus 2017” sərgisi də start götürüb. Bu tədbirlərin təşkilatçıları qismində “Iteca Caspian” və onun Böyük Britaniyalı tərəfdaşı “ITE Group” şirkətləri çıxış edirlər.

Sərginin mətbuat konfransı keçirildi və mətbuat konfransında Aydın İsmiyev - Azərbaycan Respublikası Mədəniyyət və Turizm Nazirliyinin Turizm Şöbəsinin müdiri, Fərid Məmmədov – “Iteca Caspian” şirkətinin icraçı direktoru, Cəmilə Quliyeva – sərgi meneceri iştirak etmişdilər. Mətbuat konfransı zamanı KİV nümayəndələrinə sərgi ilə bağlı, həmçinin xarici iştirakçıların sərgidə hansı yenilikləri təqdim etdiyi və bu sahə ilə bağlı ölkə üçün yeniliklər haqqında ətraflı məlumat təqdim olunmuşdu. Mətbuat konfransında 45 KİV nümayəndələri iştirak etmişdi, onların arasında televiziya və xəbər portalları: APA, ARB TV, Azertag, AzTv, ITV, Lider TV, SalamNews, TREND və s.

 

Prezident İlham Əliyev və birinci xanım Mehriban Əliyeva “AITF2017” sərgisi ilə tanış olublar.


Sərginin təntənəli açılışı mərasimində çıxış edən Azərbaycan Respublikasının mədəniyyət və turizm naziri Əbülfəs Qarayev qeyd etdi ki, Ümumdünya Turizm Təşkilatının (UNWTO) himayəsi altında keçirilən bu ən böyük regional turizm sərgisi artıq uzun illərdir ki, dünyanın hər yerindən ziyarətçiləri bir araya gətirir. Azərbaycan turizmi öz inkişafının yeni mərhələsini yaşayır. Qəbul edilmiş “Azərbaycanda ixtisaslaşdırılmış turizm sektorunun inkişafı üzrə Strateji Yol Xəritəsi”, ölkə rəhbərliyinin iqtisadiyyatın qeyri-neft sektorunun bu sahəsinə daimi diqqəti yerli turizmin inkişafına kömək edir. Keçən ilin müvafiq dövrü ilə müqayisədə, bu ilin üç ayı ərzində ölkəyə gələn turistlərin sayı 25 faiz artmışdır. 

“ITE Group” şirkətinin icraçı direktoru cənab Edvard Stroon öz çıxışında sərginin təşkilinə fəal dəstək verdiyinə və xaricdə Azərbaycanı təbliğ etdiyinə görə Azərbaycan Respublikası Mədəniyyət və Turizm Nazirliyinə öz minnətdarlığını bildirdi. Cənab Edvard Stroon sərginin yeni iştirakçıları - Kuba, Dağıstan, Odessa və Kazanı da qeyd edərək vurğuladı ki, “AITF” hər il öz meydançasında ölkənin turizm bazarının imkanlarını nümayiş etdirməklə, Azərbaycanın daxili turizminin inkişafında fəal surətdə iştirak edir.

Bu il Azərbaycanın regionları, o cümlədən Qarabağ ölkənin turizm potensialını rəngarəng və maraqlı stendlərlə nümayiş etdirir. Azərbaycan Respublikası Mədəniyyət və Turizm Nazirliyi sərgidə öz rəngarəng stendi ilə ayrıca təqdim olunub. Öz stendində Azərbaycanın 20-yə yaxın turizm şirkətini, otelini və sanatoriyasını bir araya gətirən Azərbaycan Turizm Assosiasiyasının (AZTA) ekspozisiyası isə Azərbaycan və xaricdə turizm üzrə geniş təkliflər çeşidini əks etdirir.

Builki sərgi planetimizin müxtəlif guşələrinin “mozaikasını” özləri ilə gətirən dünyanın əsas turizm bazarı subyektlərini bir arada toplayaraq, turizm xidmətlərinin geniş çeşidini əyani surətdə nümayiş etdirir. Sərgidə dünyanın 22 ölkəsindən 272 şirkət çoxlu turizm istiqamətini təklif etməklə yanaşı, hava yolları şirkətlərinin, mehmanxana şəbəkələrinin və turizm sahəsində digər xidmət növlərinin təbliğinə xüsusi diqqət yetirir. İştirakçılar arasında Azərbaycan, İtaliya, İsveçrə və bir çox digər ölkədən olan şirkətlər var. Ənənəvi olaraq, bu sərgidə Belarus, Bolqarıstan, Gürcüstan, Dominikan Respublikası, Mərakeş, Tailand, Türkiyə və Çexiyanın milli stendləri iştirak edirlər. Roqaşka Slatina (Sloveniya) və Stavropol vilayəti (Rusiya) regional stendlərlə çıxış edir. Hər il bu sərgiyə yeni iştirakçılar qoşulur, belə ki, Kolumbiya və Kubanın Azərbaycandakı səfirliklərinin dəstəyi ilə bu ölkələr öz turizm imkanlarını ilk dəfə təqdim etdilər. Xarici debütantlar arasında İtaliya, Çin və Böyük Britaniyadan olan turizm şirkətlərini göstərmək olar.

Sərgi həmçinin “Tibbi və Sağlamlıq turizm” sektorlarını da inkişaf etdirir. Bu il Azərbaycan, Belarus, Macarıstan, Gürcüstan, Çexiya, Rusiya, Sloveniya, Türkiyə və digər ölkələrdən tibbi mərkəzlər, istirahət evləri və sanatoriyalar müalicə-sağlamlaşdırma və SPA turizmi sahəsində ən yeni nailiyyətləri təqdim edirlər. Bu il sərgidə “Acibadem Healthcareer Group” (Türkiyə), Belprofsoyuzkurort (Belarus) və s. bu kimi ən böyük sağlamlaşdırıcı klinika şəbəkələri iştirak edir.

“AITF 2017” sərgisi qarşıdan gələn mövsümdə bütün ən maraqlı və yeni təklifləri anons edir. Bu il bu sərgi sayəsində Belarus, Bolqarıstan, Çexiya, Gürcüstan, Kolumbiya, İtaliya, Macarıstan, Dominikan Respublikası, Sloveniya, İsveçrə və digər ekzotik turizm istiqamətləri Azərbaycanlı səyyahlara daha yaxın olacaq.

Xəbərlər

Bütün xəbərlər